SINGER-ACTRESS, NABUKING NA ANG TOTOONG UGALI NG PINAKASALANG AKTOR, PANAY ANG AWAY PERO TODO-TIIS 'WAG LANG MAPAHIYA
ni Erlinda Rapadas - @Teka Nga! | June 27, 2020
BLIND ITEM:
For sure, hindi aamin ang singer-actress na nagkakaproblema na sila ng pinakasalan niyang aktor. At maaaring idahilan na lang niya na natural lang na may tampuhan at mumunting away ang mag-asawa.
Sey naman ng malalapit na kaibigan ng singer-actress, hindi niya basta-basta igi-give-up ang kanilang marriage dahil hindi biro ang mga pagsubok na kanilang pinagdaanan upang maipaglaban lang ang kanilang pagmamahalan.
May ilang fans ang nagsasabing baka natuklasan na raw ni singer-actress ang mga hindi kanais-nais na ugali ng mister kaya raw napapadalas na ang kanilang pag-aaway.
May nagsasabi pang baka nga raw tama ang kutob ng maderaka ng singer-actress kaya todo-harang at umaayaw sa aktor na pinakasalan ng kanyang anak.
Sabi nga, "Mother knows best." Matalas ang kanilang radar sa pagkilatis sa ugali ng manliligaw ng kanilang anak.
Sobrang na-in love ang singer-actress sa aktor kaya hindi na niya nakilatis nang husto ang tunay na ugali nito. And for sure, dahil sobrang mabait, magpapakamartir na lang si singer-actress sa piling ng lalaking minahal niya.