Salubong sa bagong taon... Taas-singil sa tubig, sisirit

ni BRT | December 24, 2022

Posibleng lalong tumaas ang singil sa ilang water concessionaires simula Enero dahil sa environmental charge na binabayaran ng mga kostumer.

“For example, kung 20 cubic meters ang konsumo, ang 25 percent du’n sa basic charge na nasa P300 plus nasa P82 ang environmental charge,” pahayag ni Manila Water Spokesperson Jeric Sevilla.

Samantala, mananatili sa 20% ang environmental charge ng Maynilad subalit lalaki pa rin ang bill dahil tataas din ang basic charge.

Gayunman, may pakinabang din umano ang mga customer sa environmental charge.

“Samantalahin po ninyo ‘yung de-sludging operation kasi wala po ng bayad ‘yun, kasali na po ‘yun sa binabayaran nating environmental charge,” ani Maynilad Chief Operating Officer Randy Estrellado.

Paliwanag ng Metropolitan Waterworks and Sewerage System (MWSS), tinaasan ang environmental charge ng Manila Water dahil mas malaki na ang kanilang sewered lines.

“Itongcollection ay para lang sa waste water at watershed management... Kasama po dito, pagsipsip ng septic tank once every 5 years,” ayon naman kay MWSS Chief Regulator Patrick Ty.