Sa unang SONA ni P-BBM.. No-fly zones sa Batasan Pambansa sa Hulyo 23-25 – CAAP

ni Lolet Abania | July 22, 2022

Ipapatupad ng Civil Aviation Authority of the Philippines (CAAP) ang limitado at no-fly zones sa Batasang Pambansa Complex sa Quezon City at kalapit na bisinidad nito mula Hulyo 23 hanggang 25.

“[The move is meant to] ensure security and safety during the first State of the Nation Address (SONA) of President Ferdinand Romualdez Marcos Jr. on July 25 (Monday),” base sa isang statement ng CAAP.

Ayon sa ahensiya, nakapag-isyu na sila ng NOTAM o “Notice to Airmen B2088/22” bilang advisory para sa nasabing okasyon.

Sinabi rin ng CAAP na mula Hulyo 23, 2022 ng 2:00PM-5:00PM, hanggang Hulyo 25, 2022 ng 1:00PM-7:00PM, “all unauthorized aircraft and unmanned aerial vehicles (UAVs) within five nautical miles radius from the surface of Batasan Pambansa in Quezon City will be temporarily restricted.”

“Training flights of flying schools within Luzon are also suspended from July 23, 2022 at 2 p.m. to 5 p.m. to July 25, 2022 1 p.m. to 7 p.m.,” pahayag pa ng CAAP.

Ayon sa CAAP, inaasahan din ang NOTAM na magkaroon ng delay sa arrivals at departures sa Ninoy Aquino International Airport (NAIA) dahil sa restriksyon ng naturang event.

Samantala, ang Batasang Pambansa Complex, tahanan ng House of Representatives, ay isinailalim na sa lockdown bilang bahagi ng security measures para sa unang SONA ni Pangulong Marcos.

Nasa tinatayang 1,200 indibidwal ang papayagan sa loob ng Congress, kabilang ang mahigit 300 congressmen, 24 senators, at mga miyembro ng diplomatic corps. Subalit, limitado lamang ang bilang ng mga guests at miyembro ng press na papayagan sa gallery.

Una na ring binanggit ng Philippine National Police (PNP) na mahigit sa 21,000 security forces ang ide-deploy para i-secure ang event.

Binubuo an deployment ng 16,964 mula sa National Capital Region Police Office (NCRPO), 1,905 mula sa PNP support units, at 2,974 sa coordinating agencies at iba pang peacekeeping partners para tiyakin ang seguridad at kaayusan sa naturang okasyon.