Sa mismong b-day... KIM, ISINUGOD SA OSPITAL ANG PANGANAY NA KAPATID

ni Ador V. Saluta @Adore Me! | April 21, 2023

Magkahalong tuwa at lungkot ang pagdiriwang ni Kim Chiu ng kanyang 33rd birthday nitong April 19.

Noong April 18 ay nagkaroon pa si Kim ng special birthday performance sa It's Showtime, kung saan nga ay nag-pole dancing siya na labis namang ikinatuwa ng madlang pipol na nakapanood sa kanya.

Sad to say, sa mismong araw din ng birthday niya noong April 19, isinugod naman sa ospital ang kanyang panganay na kapatid na si Lakam Chiu dahil sa malubhang karamdaman at ngayon nga ay naka-confine pa rin ito sa 'di pinangalanang ospital.

Pahayag ni Kim, "Today, it's different. I wish it were different. Before today ends, I want to say Thank You for all your greetings and well wishes. Thank you for the flowers, cakes and meaningful birthday messages you sent here online and personally. I'm sorry I couldn't answer all your messages. I appreciate you all so much. Salamat po!"

Dagdag pa nito, "Kung may hihingin man akong regalo sa inyo ngayon, 'yun ay prayers para sa Ate Lakam ko. Everything happened in a snap of a finger. She is my strength and now the word 'strength' becomes blurry. Please pray for her recovery."