Sa Feb. 14 na… KRIS, TAKOT MATULAD SA PADIR NA NAMATAY NU'NG 50-ANYOS

ni Erlinda Rapadas - @Teka Nga! | February 7, 2021

May takot palang nararamdaman si Kris Aquino sa kanyang pagtungtong ng 50 yrs. old sa darating niyang kaarawan sa Feb. 14.

Ang kanya kasing ama na si Benigno Aquino ay 50 yrs. old lang nang mamatay sa tarmac ng MIA.

At noong nabubuhay pa ang kanyang mom na si Tita Cory Aquino ay madalas siyang paalalahanan noon na mag-ingat sa kanyang kalusugan dahil baka matulad siya sa kapalaran ng kanyang ama na yumao noong 50 yrs. old lang.

Sa dasal na lang idinadaan ni Kris ang lahat lalo na't may dalawa siyang anak na dapat alagaan at itaguyod. Ayaw niyang isipin na matutulad siya sa kanyang ama.

Samantala, may mga netizens naman ang nagtatanong kung nasaan na ang mga Kapamilya stars na naging close noon kay Kris tulad nina Kim Chiu, Pokwang at K Brosas?

Madalas na i-guest noon ni Kris sa kanyang TV show ang kanyang mga BFF. Pero nang nawalan na ng show si Tetay, mukhang bihira na silang magsama-sama.

Si Kim na lang yata ang nagpaparamdam at nangungumusta kay Kris ngayon.

Well, hiling ng mga fans ni Kris, sana naman, sa kaarawan niya sa Feb. 14 ay kumustahin-dalawin man lang siya ng mga BFF niyang sina Pokwang at K. Ngayon higit na kailangan ni Kris Aquino ang pagdamay-suporta ng mga tunay na kaibigan.