Russia, tinalo ang U.S. at China, naunang nakaimbento ng bakuna kontra COVID-19!

ni Ka Ambo - @Bistado | August 13, 2020

Nakaimbento na ng COVID-19 vaccine ang Russia.

Tinalo nito ang U.S. at China!

◘◘◘

Kasama ang Pilipinas sa mga bibigyan ng trial vaccine kontra COVID-19.

‘Dengvaxia’ returns!

◘◘◘

Wala nang direksiyon ang press conference ni P-Digong.

Hindi kaya nag-uulyanin na?

◘◘◘

Tinalo ng face shields ang popularidad ng face mask.

Kahit sa anti-COVID-19 items, may inggitan!

◘◘◘

Marami ang naiinggit sa Russia dahil sa Sputnik V vaccine.

Ganyang talaga ang buhay!

◘◘◘

Kapag nagklik ang bakuna ni Putin, biglang yaman ang Russia.

Kapag sa Pilipinas ito minapaktura, biglang sikat ulit si P-Digong!

◘◘◘

Unang bibigyan ng bakuna ang mga pulis at sundalo.

Paano kung “death” ang side-effects?

Sino ang magtanggol sa Spratly Islands?

◘◘◘

Ayon kay Health Sec. Francisco Duque III, kailangan pang suriin ang nasabing bakuna.

D’yan na siya masisibak!

◘◘◘

Binubuhay ng isang diyaryo ang claim ng Pilipinas sa Sabah.

Lumakas tuloy ang kanilang sirkulasyon sa North Borneo!

◘◘◘

Bumaba nang todo ang bilang ng krimen sa Metro Manila.

Nagsibalik sa kani-kanilang lalawigan ang mga kawatan!

◘◘◘

May malulubhang sakit ang mga inaakusahang mandarambong na ehekutibo sa PhilHealth.

Natikman na nila ang parusa!

◘◘◘

Ang stress at guilty conscience ay aktuwal na nagpapahina ng immune system.

Malinaw na totoo ito!

◘◘◘

Pinag-aagawan ang bangkay ng napaslang na lider ng militanteng grupo.

Baka kumpirmadong “walang COVID-19”?

◘◘◘

Kung may COVID-19 ‘yung lider ng militante, imbes na pag-agawan, tiyak na pandirihan ‘yan.

Hay, buhay-COVID nga naman, paglukso—dedo!