Rider, huli sa akto sa P1M droga

ni Gina Plenago @News | September 16, 2026

Photo: SPD

Huli ang isang motorcycle rider nang makuhanan ng mahigit P1 milyong halaga ng hinihinalang shabu sa buy-bust operation ng mga operatiba ng Taguig City Police, Lunes ng gabi sa Taguig City.

Dinakip ng mga operatiba ni SPD Director P/BGen. Rodel Pastor si alyas Bag, 45, na bago lamang sa listahan ng mga High-Value Individual (HVI), makaraang bentahan ng umano'y shabu ang pulis na nakatalaga sa District Drug Enforcement Unit na nagpanggap na buyer.

Ilang araw umanong tiniktikan ang ilegal na aktibidad ng suspek bago pumayag na makipagtransaksiyon sa inaakalang buyer sa Mindanao Ave., Brgy. Maharlika Village.

Umabot sa 150 gramo ng shabu na nagkakahalaga ng P1,020,000 at gamit niyang mobile phone ang nakumpiska kay "Bag" na mahaharap sa reklamong paglabag sa Sections 5 at 11, Article II ng R.A. 9165, o ang Comprehensive Dangerous Drugs Act of 2002 sa Taguig City Prosecutor’s Office.