Quiboloy ‘pag naipakulong ng kongreso, yari na rin sa FBI

ni Pablo Hernandez @Prangkahan | December 6, 2023

SMNI NETWORK PINASUSUSPINDE SA NTC KAYA MALAPIT NANG MATAPOS HAPPY DAYS NILA SA KAPI-FAKE NEWS AT RED-TAGGING -- Nag-file na ng resolusyon si House Assistant Majority Leader, PBA partylist Rep. Migs Nograles na humihiling sa National Telecommunications Commission (NTC) na suspendihin ang operasyon ng SMNI network na pag-aari ng sekta ni Pastor Apollo Quiboloy dahil sa mga paglabag sa terms and conditions na nakasaad sa prangkisa na nasa ilalim ng RA no.11422.

Dahil d’yan ay nakikini-kinita na ng sambayanang Pinoy na malapit nang matapos ang happy days ng mga taga-SMNI sa umano kapi-fake news at red-tagging, period!

◘◘◘

KAPAG SI PASTOR QUIBOLOY NA-CONTEMPT AT IPINAKULONG NG KONGRESO, TAGILID SIYA SA FBI -- Kung susundin ng Kongreso ang advise ni Senate President Migz Zubiri na i-contempt at ikulong ang mga taga-SMNI network dahil sa pagsisinungaling at pag-atake kay Speaker Martin Romualdez, ang nagdedelikado sa mga taga-SMNI ay si Pastor Quiboloy.

Si Pastor Quiboloy kasi ay wanted sa Federal Bureau of Investigation (FBI) patungkol sa mga kasong sex trafficking by force, fraud and coercion, sex trafficking of children at bulk cash smuggling.

Ang nais nating ipunto rito, kapag si Pastor Quiboloy ay na-contempt at ipinakulong ng Kongreso, madali na siyang matitimbog ng FBI, boom!

◘◘◘

KOMUNISTA NA KINALABAN NOON NI EX-P-DUTERTE, GINAWA NG MARCOS ADMIN NAKIKIPAGMABUTIHAN NGAYON SA CPP-NDF-NPA -- Hindi nagustuhan ni Vice President, Dept. of Education (DepEd) Sec. Sara Duterte-Carpio ang peace talk sa pagitan ng Marcos administration at Communist Party of the Philippines-National Democratic Front-New People’s Army (CPP-NDF-NPA) kasi ayon sa kanya ay hindi raw seryoso ang grupong ito sa usapang pangkapayapaan, at dahil d’yan ay nasabi ng bise presidente na ang peace talk daw sa terorista ay pakikipagkasundo sa mga demonyo.

May punto si VP Sara na maghimutok sa isyung ito, kasi nilabanan ng kanyang amang si ex-P-Duterte ang mga komunista, tapos nakikipagmabutihan ang Marcos admin sa CPP-NDF-NPA, period!

◘◘◘

MGA KOMUNISTANG IPINAKULONG NOON NI EX-P-DUTERTE, PINALALAYA NGAYON NI P-BBM -- Maging ang amnestiya ni P-BBM sa mga komunista ay pinuna rin ni VP Sara, na para sa bise presidente ay hindi tama.

May punto uli rito si VP Sara, kasi nga naman, ipinakulong ng kanyang amang si ex-P-Duterte ang mga komunista, tapos pinalaya ni P-BBM sa pamamagitan ng amnesty program, boom!