Pugad ng ibon, pahiwatig ng planong pagpapakasal

ni Estrellia de Luna @Panaginip gabay ng buhay | April 27, 2023

Analisahin natin ang panaginip na ipinadala ni Sherly ng Divisoria, Manila.

Dear Maestra,

Kumusta kayo? Nawa ay palagi kayong ligtas sa anumang uri ng panganib at kapahamakan.

Gusto kong malaman ang kahulugan ng panaginip ko na may nakita akong pugad ng ibon sa puno ng bayabas namin. May laman na itlog ang pugad, kaya lang, ito ay basag na at kinain ng daga.

Ano ang ibig sabihin ng panaginip ko?

Naghihintay,

Sherly

Sa iyo, Sherly,

Ang ibig sabihin ng panaginip mo na may nakita kang pugad ng ibon sa puno ng bayabas niyo ay nagbabalak ka nang magpakasal. Ang may lamang itlog ang pugad, pero basag na ang mga ito ay nagpapahiwatig ng kabiguan sa iyong mga pangarap.

Samantala, ang ibig sabihin ng kinain ng daga ang basag na itlog sa pugad ay sunud-sunod na kasawiang palad dahil sa paninira ng mga lihim mong kaaway na akala mo sa umpisa ay kaibigan, pero siya pang magpapabagsak sa iyo.

Matapat na sumasaiyo,

Maestra Estrellia de Luna