Proud na proud sa concert ng BF… KATHRYN, NAG-SURPRISE PARTY PARA KAY DANIEL

ni Vinia Vivar - @Frankly Speaking | October 14, 2020

All-out at 101% ang ibinigay na suporta ni Kathryn Bernardo sa first digital concert ng boyfriend na si Daniel Padilla na Apollo held last Sunday. Hindi lang siya physically present sa concert kundi nag-prepare pa siya ng surprise party for DJ bilang selebrasyon.

Nag-post si Kathryn sa Instagram ng ilang mga larawan na kuha mula sa surprise party at sa caption ay kitang-kita ang sobrang pagka-proud niya sa boyfriend.

“Our intimate surprise party last night with @supremo_dp’s biggest fandom—our family and friends—was a success! Congratulations, love! THAT WAS SUCH AN AMAZING PERFORMANCE! (No bias). Thank you to everyone who helped make this unforgettable night possible!” ang bahagi ng caption ni Kath.

Sa comments section ay nagpasalamat si DJ sa GF with matching nakakakilig na linyang “Mahal kita.”

“Maraming salamat sa oras at pagmamahal na ibinibigay mo sa akin. Sa iyo nanggagaling ang lakas at inspirasyon ko. Mahal kita,” komento ni DJ.

Dumagsa naman ang pagbati ng mga netizens and celebrity friends kay DJ at pinuri rin nila ang pagiging supportive and sweet GF ni Kath.

“Congratulations, DJ!! This is too sweet Kath!” komento ni Ruffa Gutierrez.

Sey naman ni Melai Cantiveros, “Wow very sweet mo, Kath.”

“Proud of you, kapatid @supremo_dp! Also proud of you for the successful surprise @bernardokath,” komento naman ni Ria Atayde.

“Wooow iba magmahal si Mahal!” reaksiyon naman ng komedyanteng si Alora Sasam.

“Amen! Ang galing,” comment ni Amy Austria.