Proud na proud… KRIS, IPINAGYABANG KUNG GAANO KA-RICH ANG BF

ni Nitz Miralles - @Bida | October 12, 2020

Nag-guest sa All-Out Sundays kahapon si Kris Bernal. Ibig kayang sabihin nito ay mananatili siyang Kapuso talent?

Nabalita kasing hindi pa inire-renew ng GMA Network ang kanyang kontrata, kaya nakapag-guest siya sa Chika Besh! ng TV5 at may iba pa raw guestings.

Samantala, yayamanin pala talaga ang fiancé ni Kris dahil post niya, “Did you know? My fiance’s family-owned business, ESV International Corp., is one of the biggest distributors of dry and frozen imported food items in the PH. They have been in the food industry for almost 35 years now. So, trust me when I say at @houseofgogiph we serve the freshest, most tender, and juiciest quality imported meats!!”

May pa-trivia pa si Kris na ang ESV International ang nagsu-supply sa maraming samgyupsal restos nationwide.

Anyway, aliw ang ginagawa ni Kris na nagpo-post ng video kung gaano siya kalakas kumain para ipakita sa mga nagpapayo sa kanyang dagdagan ang kinakain para tumaba siya.

Maliit lang si Kris, pero sobrang fit ang katawan at mahihiya sa kanya ang ibang malalaki ang katawan.