Presidential bets: Customs una sa listahan ng lalabanan ang korapsiyon
- BULGAR
- Feb 28, 2022
- 1 min read
ni Jasmin Joy Evangelista | February 28, 2022
Halos lahat ng presidential bets ay sinabing kung sila ang mananalong pangulo ay uunahin nilang labanan ang korapsiyon sa Bureau of Customs (BOC).
Nang tanungin kung anong ahensiya ang unang iimbestigahan hinggil sa mga alegasyon ng korapsiyon sa ginanap na CNN Philippines presidential debate, sinabi nina Ernesto Abella, Norberto Gonzales, Leody de Guzman, Panfilo Lacson, Faisal Mangondato, Jose Montemayor Jr., Isko Moreno, at Leni Robredo na mag-uumpisa sila sa BOC.
Si Manny Pacquiao ang nag-iisang nagsabi na magsisimula siyang mag-imbestiga sa Department of Health.
Si Ferdinand “Bongbong” Marcos ay hindi dumalo sa naturang debate.
Comments