Pinagkaguluhan ng mga reporters… MARIAN, JOIN SA MGA SIKAT NA CELEBRITIES SA SINGAPORE, THAILAND ATBP. ASIAN COUNTRIES

ni Nitz Miralles @Bida | July 27, 2025

Image: Marian Rivera - IG

Nagsabog ng kagandahan si Marian Rivera sa Bvlgari High Jewelry event sa Singapore at nakasama ang mga sikat na celebrities ng Singapore, Thailand at iba pang Asian countries. 

Sa reels, makikitang pinagkaguluhan ng mga photographers si Marian at comment nga ng mga fans, parang rumampa siya sa fashion week.

Ang kasunod na comment, bakit daw hindi nagpa-fashion week si Marian at sinundan ng “It’s nice to see another Filipina sa international fashion scene. May ibubuga tayo, may market at influence. Nakaka-proud makita ang isang Marian Rivera with international stars.”

Sabi pa sa mga comments, si Marian ang new Bvlgari Philippine ambassador. 

May nagsabi namang “VVIP” ang status nito o ‘very, very important person’. 

Anuman ang status ni Marian sa Bvlgari, natutuwa ang kanyang mga fans at wish nilang masundan pa ang pag-attend nito ng mga international events.

Well, simple lang ang caption ni Marian sa kanyang post, “Celebrating luxury and elegance at the Bvlgari High Jewelry event in Singapore.”

Bongga, ‘di ba?

---

ITINAON ni Matteo Guidicelli sa birthday ni Sarah Geronimo noong July 25 ang magandang announcement tungkol sa wifey niya.

Pahayag ni Matteo, “After years of dreaming, planning, and learning. It’s finally time. After building @gproductionsph and @thegstudiosph, my wife Sarah and I are proud to announce the launch of G-Music @gmusic.ph, Sarah’s very own recording label.

“For over 22 years, Sarah has poured her heart and soul into music. Today, she takes the next step: not just to be creatively empowered, but to own the music she creates—her work, her art, her legacy.

“We are deeply grateful to the mentors, management and partners who have guided us through the years. Their support and wisdom have been invaluable. But we’ve also learned that true growth for an artist means understanding both the craft and the business, owning your creations, your voice, and your future.

“G-Music is built on values of collaboration, respect, transparency, and growth. Our mission is to support Sarah’s music journey and, in time, open doors for other artists who share the same vision.

“Our first release? A powerful collaboration with SB19—coming very soon. Here’s to creating, learning, and building something that will live on beyond us.”

Kaya yata nag-enroll ng business course sa Harvard si Matteo para sa businesses na itinayo nila ni Sarah. Ang daming nag-congratulate sa mag-asawa at very proud ang AshMatt fans sa kanila.

Ang tanong, may kontrata pa ba si Sarah Geronimo sa Viva Records at Viva Artists Agency? Kung may sarili na siyang record label, ibig bang sabihin, wala na siya sa Viva Records?

---

Todo-tulong sa mga taga-Batangas…

LUIS, SUPER-AGA RAW NANGANGAMPANYA

PINATUTUNAYAN ni Luis Manzano na hindi niya kailangang maging public servant para makatulong sa mga taga-Batangas na naapektuhan sa sunud-sunod na bagyo. 

Pumunta siya sa Batangas. Isa sa mga evacuation centers na binisita niya ay sa Talisay at lungsod ng Santo Tomas. 

Aniya, “Nakakataba ng puso na sa kabila ng unos ay sinalubong n’yo pa rin kami ng ngiti at pagmamahal.”

Pinuri si Luis sa kanyang ginawa, ipinakita raw niya ang sinseridad na makatulong kahit hindi siya nanalo sa last elections. May mabuti raw puso ang TV host at dapat siyang gayahin.

Hindi lang maiwasan ang mga comments na maagang nangangampanya si Luis for the next elections, bagay na sinaway ng mga followers nito sa Instagram (IG). Dapat daw magpasalamat sa mga tumutulong at itabi muna ang kanegahan, na totoo naman…