Paulo, Best Actor; leading lady, kahit baguhan…

CHARLIE DIZON, TINALO SINA NORA, SYLVIA AT IZA BILANG BEST ACTRESS SA MMFF

ni Ador V. Saluta - @Adore Me! | December 29, 2020

Gaya ng inaasahan, humakot ng parangal ang Fan Girl movie ni Paulo Avelino kasama ang baguhang aktres na si Charlie Dizon sa 46th Metro Manila Film Festival Gabi ng Parangal nitong Disyembre 27, Linggo, na nag-live streaming sa Facebook page ng MMFF.

Iniuwi ng Fan Girl ang five major categories na Best Picture, Best Director (Antoinette Jadaone), Best Actress (Charlie Dizon), Best Actor (Paulo Avelino), at Best Screenplay (Antoinette Jadaone).

Umpisa pa lang ng filmfest showing, hinuhulaan na ng mga fans at critics na ang baguhang si Charlie Dizon ang mag-uuwi ng trophy dahil sa natural (at method acting) niyang pagganap bilang tagahanga.

Tinalo niya ang Superstar na si Nora Aunor (Isa Pang Bahaghari), Sylvia Sanchez (Coming Home), at Iza Calzado (Tagpuan).

Kaya't nang ihayag ang nanalong Best Actress, hindi mailarawan ang saya ni Charlie at maging ang kanyang mga direktor na sina Direk Antoinette at Direk Dan.

Sa nasabing virtual awards night, unang pinasalamatan ni Charlie ang Panginoon at special mention nito si Iza Calzado (nominadong Best Actress para sa Tagpuan), na siya umanong tulay para makilala siya nina Direk Antoinette.

Sa acceptance speech naman ni Paulo as Best Actor, inalay niya ang kanyang trophy sa anak sa dating GF na si LJ Reyes.

“It’s for you, Aki,” sabi ni Paulo.

Maliban sa five major awards, nakamit ng Fan Girl ang apat pang parangal para sa Best Cinematography (Neil Daza), Best Editing (Benjamin Tolentino), Best Sound (Vincent Villa) at 3rd place bilang Best Virtual Float.

Ang 2nd Best Picture na The Boy Foretold By The Stars ay wagi rin ng Gender Sensitivity Award at Best Original Theme Song (Ulan).

Ang 3rd Best Picture na Tagpuan ay panalo rin ng Best Supporting Actress (Shaina Magdayao).

Hindi nominado ang screenplay ng Magikland, kaya siguro ligwak ito sa Top 3 Best Picture.

Ganunpaman, naka-anim na awards ang Magikland — FPJ Memorial Award, Best Virtual Float, Best Production Design (Ericson Navarro), Best Visual Effects (Richard Francia, Ryan Grimarez of Central Digital Lab), Best Musical Score (Emerzon Texon), at Special Jury Prize (Peque Gallaga).

Nagwagi rin ang Isa Pang Bahaghari bilang 2nd place sa Best Virtual Float.

Tig-isang award ang Suarez: The Healing Priest (Gatpuno Antonio J. Villegas Cultural Award) at The Missing (Best Child Performer, Seiyo Masunaga).

Walang iniuwing award ang Mang Kepweng: Ang Lihim ng Bandanang Itim sa dalawang kategorya na nominado ito. Maging ang Pakboys: Takusa na sinasabing "basura" ang pagkakagawa ay zero sa lahat ng nominations.

Narito ang talaan ng mga nagwagi sa MMFF 2020:

• Best Actress: Charlie Dizon (Fan Girl)

• Best Actor: Paulo Avelino (Fan Girl)

• Best Picture: Fan Girl

• 2nd Best Picture: The Boy Foretold By The Stars

• 3rd Best Picture: Tagpuan

• Best Director: Antoinette Jadaone (Fan Girl)

• Best Supporting Actress: Shaina Magdayao (Tagpuan)

• Best Supporting Actor: Michael de Mesa (Isa Pang Bahaghari)

• Best Screenplay: Fan Girl (Antoinette Jadaone)

• Best Child Performer: Seiyo Masunaga (The Missing)

• Best Cinematography: Fan Girl (Neil Daza)

• Best Editing: Fan Girl (Benjamin Tolentino)

• Best Production Design: Magikland (Erikson Navarro)

• Best Visual Effects: Magikland (Richard Francia, Ryan Grimarez of Central Digital Lab)

• Best Original Theme Song: The Boy Foretold by the Stars (Ulan by Jhay Cura/Pau Protacio)

• Best Musical Score: Magikland (Emerzon Texon)

• Best Sound: Fan Girl (Vincent Villa)

• Best Student Film: Paano Maging Babae (De La Salle College of St. Benilde)

• Best Virtual Float: Magikland (1st place), Isa Pang Bahaghari (2nd place), Fan Girl (3rd place)

• Gatpuno Antonio J. Villegas Cultural Award: Suarez, The Healing Priest

• FPJ Memorial Award: Magikland

• Gender Sensitivity Award: The Boy Foretold By The Stars

• Special Jury Prize: Peque Gallaga

• Marichu Vera-Perez Maceda Memorial Award: Gloria Romero

Matagumpay namang ginampanan nina Marco Gumabao at Kylie Versoza ang pagiging host ng mabilisang virtual Gabi ng Parangal ng MMFF 2020 na halos tumagal lamang ng isang oras.