Pasabog daw sa MMFF movie… PAULO, NAGPAKITA NG MANOY, PINAGPIYESTAHAN

ni Ador V. Saluta - @Adore Me! | December 26, 2020

Pinagpiyestahan sa social media ang screenshot at video clips ni Paulo Avelino sa MMFF entry na Fan Girl kung saan nakita ang ari ng aktor habang umiihi dahil patagilid ang anggulo ng camera.

Tuloy, maraming fans ng aktor ang nagtatanong kung totoo ba 'yung kanilang nasilip o peke lang?

Subali't sa tweet ng producer ng Black Sheep Productions nitong Friday (December 25), opening ng festival, aniya, “We've got BIG SURPRISES in store for you in Fan Girl, and we want you to them the way they were meant to be seen.

“Report cases of piracy to the Black Sheep social media pages, and see the film NOW via Upstream.ph.”

Kalakip ng tweet ang art card na may litrato ng pinag-uusapang eksena kung saan blurred ang private part ni Paulo at naghuhumiyaw ang paalala, “IT LOOKS BETTER IN FULL HD.”

Nakasaad din sa panawagan, “Do yourself a favor and see every little (and big) detail not only in Fan Girl, but for all the films in the Metro Manila Film Festival.

“Don’t forget: PIRACY IS A CRIME. You just might end up in jail.”

Sa pelikulang Fan Girl nominado si Paulo sa pagka-Best Actor at makakatunggali niya sa awards night sina John Arcilla (Suarez: The Healing Priest), Adrian Lindayag (The Boy Foretold By The Stars) at Phillip Salvador (Isa Pang Bahaghari with Superstar Nora Aunor).

Samantala, ang leading lady ni Paulo na si Charlie Dizon ay nominado ring Best Actress katunggali sina Iza Calzado (Tagpuan), Nora Aunor (Isa Pang Bahaghari), Ritz Azul (The Missing), at Sylvia Sanchez (Coming Home).

Sana, mapanood ang Fan Girl at ang iba pang entries nang maayos sa Upstream.

Nagsimula na ang viewing ng 10 MMFF 2020 entries via Upstream starting December 25.