Pagnenegosyo, dapat unahin kesa pag-a-abroad dahil uunlad
ni Maestro Honorio Ong - @Kapalaran ayon sa Palad | November 25, 2021
KATANUNGAN
Ako ay Taong Singko dahil ako ay ipinanganak noong October 14, 1988, tama ba ang naiisip kong magnegosyo sa halip na mag-abroad? Pinipilit ako ng kapatid kong nasa Canada na mag-immigrant doon at bago pa magkaroon ng pandemic ay naibigay na niya ang perang panggastos para sa aking mga papeles, kaso naka-pandemya, pero tumawag siya sa akin at sinabing ituloy ko na ang pag-aayos ng aking mga papeles.
Kaya lang, parang mas gusto kong magnegosyo. Balak kong magtayo ng restoran at may magpapahiram naman sa akin ng puhunan at hindi naman iba sa akin ang taong ito.
Naisipan kong sumangguni sa inyo, Maestro, upang malaman kung ano ang mas dapat kong gawin, ang magtayo ng restoran o tumuloy sa Canada?
KASAGUTAN
Mas tama ang una mong option kung saan mas makabubuting sa panahong ito, magnegosyo ka na lang sa halip na mag-abroad. Ito ang nais sabihin ng malinaw at makapal na Dalawang Guhit ng Negosyo (Drawing A. at B. N-N arrow a. at b.) sa kaliwa at kanan mong palad.
Tanda na sa pagnenegosyo ng mga produktong may kaugnayan sa pagkain, bulaklak, halaman, ornamental at agricultural products at iba pang kalakal na nakagaganda sa kapaligiran, nakakabusog sa mga mata at tiyan at tipikal na ginagamit ng pisikal na katawan, tiyak na aasenso at uunlad ka. Ang pag-aanalisang aasenso at uunlad ka sa pamamagitan ng pangangalakal ay madali namang kinumpirma ng lagda mong dalawang initial lamang at pagkatapos ay ang iyong apilido. Ito ang lagda na karaniwang ginagamit ng mga negosyante nang naging milyonaryo.
Samantala, bukod sa Dalawang Guhit ng Negosyo (Drawing A. at B. N-N arrow a. at b.) kinakitaan din ng Travel Line (Drawing A. at B. t-t arrow c.) ang kaliwa at kanan mong palad, na nagsasabi namang kahit ayaw mo, kusa ka ring makapag-a-abroad o makapangingibang-bansa bilang turista sa panahong itinakda ng kapalaran matapos kang maging matagumpay at asensadong negosyante.
MGA DAPAT GAWIN
Erick, gawin mo ang una mong naisip ang pagnenegosyo dahil tiyak pagkatapos magtagumpay ng itatayo mong negosyo, ang kasunod nito ay makapag-a-abroad ka, hindi upang magtrabaho o maging immigrant sa ibang bansa kundi upang maging turista.
Dagdag pa rito, ayon sa iyong mga datos, ang lahat ng nabanggit ay magsisimula at kusang magaganap sa taong 2022 sa bwuan ng Abril hanggang Mayo, sa edad mong 33 pataas. Sa nasabing panahon, unti-unting aangat ang graph ng iyong kapalaran sa aspetong pampinansiyal patungo sa napakalaking tagumpay at pagyaman. (Drawing A. at B. H-H arrow d.).
Comments