Paghalal ng directors, trustees at officers ng korporasyon

ni Atty. Persida Rueda-Acosta - @Magtanong Kay Attorney | July 2, 2020

Dear Chief Acosta,

Ako ay stockholder ng isang korporasyon. Nagtalaga kami ng araw para sa eleksiyon ng aming mga bagong officers, ngunit hindi kami nakakabuo ng quorum. Tatlong beses na kami nagtalaga ng meeting para sa nasabing eleksiyon, ngunit hindi maituloy sapagkat hindi nagsisidalo ang iba pang stockholders, dahilan upang hindi kami makabuo ng quorum. Ano ang nararapat naming gawin upang matuloy na ang nasabing eleksiyon? – Renato

Dear Renato,

Ang pamamaraan ng pagpili ng officers ng isang korporasyon ay nakasaad sa batas. Ayon sa Republic Act (R.A.) No. 11232 o mas kilala bilang “Revised Corporation Code of the Philippines,” partikular sa Section 25:

“SEC. 25. Report of Election of Directors, Trustees and Officers, Non-holding of Election and Cessation from Office. – xxx

The non-holding of elections and the reasons therefor shall be reported to the Commission within thirty (30) days from the date of the scheduled election. The report shall specify a new date for the election, which shall not be later than sixty (60) days from the scheduled date.

If no new date has been designated, or if the rescheduled election is likewise not held, the Commission may, upon the application of a stockholder, member, director or trustee, and after verification of the unjustified non-holding of the election, summarily order that an election be held. The Commission shall have the power to issue such orders as may be appropriate, including orders directing the issuance of a notice stating the time and place of the election, designated presiding officer, and the record date or dates for the determination of stockholders or members entitled to vote.

Notwithstanding any provision of the articles of incorporation or bylaws to the contrary, the shares of stock or membership represented at such meeting and entitled to vote shall constitute a quorum for purposes of conducting an election under this section.”

Ayon sa nabanggit na probisyon ng batas, sa pagkakataon na ang pagpupulong para sa eleksiyon ng directors, trustees at officers ay hindi natutuloy dahil sa kakulangan na makabuo ng quorum, ang sinumang stockholder, member, director o trustee ay maaaring ipagbigay-alam sa Securities and Exchange Commission (SEC) ang nasabing suliranin. Ang SEC ay maaaring mag-beripika ng nasabing sitwasyon at siyang may kapangyarihan na mag-utos o magtalaga ng araw at lugar ng pagpupulong para sa eleksiyon. Sa pagkakataong iyon, ang anumang representasyon sa pagpupulong na itinalaga ng SEC ay sapat na upang makabuo ng isang quorum, ito man ay mas mababa kumpara sa nakasaad sa articles of incorporation.

Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyon na ibibigay. Mas mainam kung personal kayong sasangguni sa abogado.