'Pag isinuko ni PBBM sa ICC... Dela Rosa, magpapasaklolo

ni Mylene Alfonso @News | May 14, 2026

Photo: Sen. Ronald Bato Dela Rosa - FB

Umapela si Senador Ronald "Bato" dela Rosa nang "mapayapa" na aksyon mula sa kanyang kapwa Philippine Military Academy (PMA) cavaliers sa gitna ng pagpapalabas ng International Criminal Court (ICC) arrest warrant laban sa kanya dahil sa umano'y kanyang kaugnayan sa war on drugs.

Ginawa ni Dela Rosa ang paglilinaw kasabay ng pag-awit ng PMA hymn sa harap ng mga miyembro ng media.

“Klaruhin ko lang na ang apela ko is not an appeal for a violent action. Ang apela ko sa kanila ay peaceful action,” ani Dela Rosa.

“Maipakita nila na kaming mga PMAers, sundalo, pulis, members ng uniformed agencies ay ayaw magpasakop sa dayuhan. Gusto namin manatili ang ating soberanya na di tayo didiktahan ng mga dayuhan,” saad pa niya.

“Ang pagmamahal sa bansa ay ‘di pamumulitika. Kaming lahat ay dumaan sa training, serbisyo para protektahan ang Pilipinas. Marami sa amin ang namatay sa pagdedepensa ng ating bayan. Walang pulitikahan diyan,” diin ni Dela Rosa.