P8-P10 rollback sa diesel

ni BRT @News | April 25, 2026

Inaasahan ang muling pagbawas sa presyo ng diesel sa darating na linggo.

Binanggit ng isang oil industry source ang mga pagtatantiya batay sa Mean of Platts Singapore (MOPS) trading at foreign exchange averages sa nakalipas na apat na araw, at sinabing maaaring mabawasan ng P8 hanggang P10 ang presyo ng diesel kada litro.

Gayunpaman, nakikitang walang galaw sa presyo ng gasolina, o posibleng tumaas ito ng P1 kada litro habang P10.90 naman sa kerosene.

Ginagamit ng lokal na industriya ng langis ang MOPS bilang batayan para sa mga presyo ng gasolina sa bansa. Ito ang average ng daily price assessments para sa refined na produktong petrolyo tulad ng gasolina at diesel na ipinagbibili sa Singapore, na nagsisilbing regional hub para sa kalakalan ng langis sa Asya.

Inaanunsyo ng mga kompanya ng langis ang pagtaas o pagbaba ng presyo ng mga produkto tuwing Lunes, na ipatutupad kinabukasan.