P17.65M puslit na yosi, nasamsam

by Mai Ancheta @News | November 1, 2026

Photo: Circulated / Maxfm Zambo

Nasamsam ng pulisya ang P17.65 milyong halaga ng hinihinalang puslit na sigarilyo sa magkahiwalay na operasyon sa Zamboanga Peninsula noong Oktubre 28.

Ayon kay Police Lt. Col. Shellamie Chang, nasabat ang 102 master cases ng sigarilyo na nagkakahalaga ng P15.71 milyon mula sa isang Isuzu Elf van sa Zamboanga City. 

Nasa kustodiya ng pulisya ang driver na nahaharap sa posibleng paglabag sa Anti-Agricultural Economic Sabotage Act.

Samantala, kusang isinuko ng crew ng isang bus sa Kalawit, Zamboanga del Norte ang mga kahina-hinalang bagahe na naglalaman ng 500 reams ng sigarilyo na nagkakahalaga ng P1.93 milyon.

Nasa kustodiya ng pulisya ang mga nakumpiskang sigarilyo bago ang turnover sa Bureau of Customs (BOC).