ni Thea Janica Teh | August 14, 2020
Pansamantalang titigil ang Ospital ng Tondo sa Maynila sa pagtanggap ng pasyente sa loob ng 10 araw matapos 32 doktor at nurse ang nagkasakit dahil nagkaroon ng exposure sa COVID-19 patients.
Ayon kay Mayor Isko Moreno, nagbigay ng request ang director ng ospital dahil sa 32 doktor at nurse na naging pasyente sa sariling ospital. Kaya naman, para mabawasan ang burden ng mga doktor at nurse ay minarapat itong ihinto pansamantala ang pagkuha ng mga pasyente.
Samantala, tatanggap pa rin ang ospital ng mga pasyenteng kinakailangan ng medical emergency at immediate treatment habang ang ibang pasyente naman ay ililipat sa 5 pang pampublikong ospital.
Patuloy pa rin ang pagbibigay ng treatment sa mga pasyenteng nasa Ospital ng Tondo.