Operasyon ng MRT at LRT, pansamantalang ititigil dahil sa MECQ

ni Ronalyn Seminiano Reonico | August 3, 2020

Simula bukas, August 4 ay muling ititigil ang operasyon ng Metro Rail Transit 3 Line at Light Rail Transit lines 1 and 2 bilang pagsunod sa ibinabang modified enhanced community quarantine (MECQ) sa Metro Manila atbp. lugar.

Saad ng DOTr MRT-3 sa kanilang tweet, “MAHALAGANG PAALALA: Dahil sa pagpapanumbalik ng Modified Enhanced Community Quarantine (MECQ) sa Kalakhang Maynila, pansamantala po munang ititigil ang operasyon ng MRT-3 simula Aug. 4, hanggang Aug. 18, o hanggang maibalik muli ang NCR sa GCQ.”

Tweet naman ng LRT2, "Sa mga minamahal naming pasahero, simula bukas, ika-4 ng Agosto hanggang ika-18, 2020 pansamantalang ititigil ang operasyon ng LRT-2 kaugnay ng pagpapanumbalik ng Modified Enhanced Community Quarantine (MECQ) sa Kalakhang Maynila.”