Search
  • BULGAR

‘No QR Code, No Entry’ ng Valenzuela sisimulan na sa October 5

ni Lolet Abania | September 16, 2020



Inagahan ang pagpapatupad ng “No QR Code, No Entry” ng lokal na pamahalaan ng Valenzuela City bilang tugon sa kahilingan ng mga residente ng siyudad. Mula sa dating November 16, epektibo na ito sa October 5, 2020, ayon sa hepe ng Valenzuela City Public Information Office (PIO) na si Lauro Caiña.



Sa bagong direktiba, kinakailangan na lahat ng residente at may-ari ng establisimyento na mag-register sa contact tracing app na Valenzuela Tracing Application (ValTrace) bago ang petsang itinakda upang makapasok sa naturang lungsod.


Inilunsad ang nasabing mobile application mula sa City Ordinance No. 783, bilang kapalit sa contact tracing forms na pinasasagutan sa tuwing papasok ang isang residente sa bawat establisimyento ng siyudad.


Tiwala ang pamahalaang lungsod na ang bagong polisiya ay makatutulong na mabawasan ang virus transmission kumpara sa pagsusulat sa mga printed forms. “This is more secure than manually filling out ang form,” sabi ni Caiña.


Tiniyak din ng local government unit (LGU) ng Valenzuela na mananatiling confidential ang mga personal na detalye at impormasyon ng bawat isang may QR code.

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2020 bulgaronline

Sison's Publishing House, Inc.