ni Eli San Miguel @Entertainment | May 21, 2024
Opisyal nang naging ama ang food vlogger na si Ninong Ry nang i-welcome niya ang kanyang panganay na si Rue nitong Lunes.
“Siya ang nagdala pero ako ang kamukha! Welcome sa mundong ito, Rue! Daddy Ry era starts now,” saad niya sa isang Facebook post kung saan naka-upload ang isang larawan kasama ang kanyang nobya at anak.
Nagpadala naman ng greetings sa comment section ang mga kapwa niya content creators at celebrities tulad nina Luis Manzano, Mimiyuuuh, Wendell Ramos, at Sam YG.
Kilala si Ninong Ry bilang vlogger na nakakuha ng atensyon ng mga Pinoy netizens dahil sa kanyang simple at prankang mga video tungkol sa pagluluto at pagkain.
Sa kasalukuyan, malapit nang umabot sa dalawang milyon ang kanyang mga subscribers sa YouTube.
Comments