Negosyante, niratrat dahil sa lupa

by Jeff Tumbado @News | November 5, 2026

Photo: Circulated

Nauwi sa kamatayan ng isang negosyante ang umano'y matagal nang alitan sa lupa matapos itong masangkot sa barilan sa pagitan ng grupo ng kanyang kaalitan sa Brgy. Gadongan, Marawi City.

Batay sa ulat ng pulisya nitong Miyerkules, nagkaroon muna ng pagtatalo ang biktima at ang suspek nang magkita ang mga ito sa nasabing barangay.

Sa halip na matapos ang pagtatalo, bumalik umano ang biktima kasama ang kanyang mga kasamahan upang harapin ang suspek, na nauwi sa engkuwentro.

Dalawa sa mga umano'y sangkot sa insidente ang naaresto ng mga awtoridad kasunod ng insidente.