Nakisawsaw na… SIGAW NI KRIS: PANLALAIT NG TITSER NA MATABA SI ANGEL, MALING-MALI!

ni Nitz Miralles - @Bida | November 18, 2020

Nag-comment si Kris Aquino at nag-agree na rin kay Angel Locsin sa hinihingi nitong apology sa pamba-body shame sa kanya dahil sa kanyang weight gain. Pati ang mga netizens na nakabasa sa comment ni Kris, sumang-ayon din sa TV host.

Post ni Kris: “I understand mahirap ang trabaho ng mga guro at kadalasan, hindi sapat ang suweldo... pero ang budget ng DepEd ay galing sa mga Pilipino, mga nagtatrabaho at nagbabayad ng buwis ang nagbibigay ng pondo para sa DepEd, in other words - lahat tayo, stakeholders dito... kaya may mali kung isang likas na matulungin sa kapwa ang “paglalaruan” in the guise of “pagtuturo”...

"Yes, we live in a democracy and that teacher has the right to exercise the same rights all of us have, the right to free speech... but in this instance- the person in authority (the teacher) is playing a significant role in shaping the values and character of his/her students...

"In the statement, humihingi to spare the said individual from “attacks” - eh, sino ba ang nagbanggit ng pangalan? Kanino ba nanggaling ang pailalim na banat? Nasa TAMA si Gel na ipaglaban ang dignidad niya...

"Sir/Ma’am - kung mamemersonal po - open naman ang comments ni Angel sa IG & Twitter niya. Kahit hindi po kagandahan ang opinion tungkol sa kanya, at least sa mas angkop na “forum” in-express.

"@therealangellocsin Kagaya ng paulit-ulit kong sinasabi sa 'yo, hanga ako sa tatag at tapang mo. Isang sobrang higpit na yakap galing sa ate mong nagmamahal.”