Naka-6 na sunod na panalo ang NXLed, Chargers pinundi

by Gerard Arce @Sports News | November 13, 2026

Photo: Binalewala lamang ni NXLED Chameleons team captain Brooke Van Sickle  ang dobleng depensa at umatake kontra Celine Domingo at Marionne Alba ng Akari Chargers sa Premier Volleyball League All Filipino Conference Siklab Series 2026 sa Araneta Coliseum. Tagumpay ang Chameleons kontra Chargers sa  3 sets straight 27 - 25, 25 - 22, 26 - 24 kahapon. (Reymundo Nillama)

Mga laro sa Sabado

(Philsports Arena)

1 pm – Galeries vs PLDT

6 pm – Capital1 vs Farm Fresh 

Pinundi ng NXLed Chameleons ang samahan sa sister-team na Akari Chargers upang mailusot ang dikitang straight set panalo sa bisa ng 27-25, 25-22, 26-24 sa pambungad na aksyon ng Premier Volleyball League All-Filipino Conference Siklab Series kahapon sa Smart Araneta Coliseum.

Naging matiyaga sa pagdepensa at pagkana ng atake ang NXLed sa balanseng kargada nina 3-time conference MVP Brooke Van Sickle, Mar Jana Phillips, EJ Carino, at two-time conference MVP Myla Pablo upang kunin ang ika-6 na sunod na tagumpay at manatiling undefeated sa 6-0.

"We just stuck it out together. Akari is a very hard team for us to play. They're very good in defense and blocking and a very scrappy team, so we communicated early and just had to stay resilient and very patient as the game went on," pahayag ng Fil-Am na si Van Sickle na rumehistro ng 10 puntos mula sa 9 na atake at isang block. 

Umiskor ng 9 puntos sina Carino, Phillips at Pablo. Namahagi rin si Gel Cayuna ng 17 excellent sets at 3 puntos. Nabigo namang sundan ng Akari ang fifth set panalo sa Choco Mucho Flying Titans para bumagsak sa 3-4 rekord.