Naglaro ng Ouija boards, 28 batang babae isinugod sa ospital

ni Ejeerah Miralles (OJT) | March 12, 2023

COLOMBIA — Isinugod sa ospital dahil sa anxiety ang 28 estudyante, pawang mga babae, matapos umanong maglaro ng Ouija boards sa kanilang paaralan.

Ayon sa panayam ng Jam Press kay Hugo Torres, head ng Galeras Educational Institution, may posibleng 28 kaso ng anxiety sa mga mag-aaral.

Naiulat na dumanas umano ng pagkahimatay, pagkabalisa at iba pang sintomas ang mga estudyante bago nadala sa municipal hospital, kasama ang kanilang magulang at school faculty.

Samantala, hindi kumpirmado kung magsasagawa ng imbestigasyon ang pulisya sa naturang insidente. Kasalukuyan namang naghihintay ng medical diagnoses ang paaralan bago maglahad ng panibagong impormasyon.