MPTC 2026 P12-M cash prize P2-M para sa magkakampeon
- BULGAR
- Apr 8
- 2 min read
by MC @Sports News | April 7, 2026
Photo: Tiyak na papaldo ang 2026 Champion ayon kay Arrey Perez, Chief Organizer at CEO ng Tour (inset) tulad ng naging paghahari sa 8 stages sa MPTC Tour of Luzon 2025 ni Korean cyclist Dae Yeong Joo sa total time na 22:21:08. Second placer ang Pinoy cyclist na si Jan Paul Morales at tersera si Jonel Carcueva. (TOL/GMBpix)
Ang pinakamalaking cash pot sa Philippine cycling history na P12-M ay nakataya sa 2026 MPTC Tour of Luzon (ToL) at ang rider na suot ang yellow jersey hanggang 14-stage race ay mag-uuwi ng P1-M habang ang team na magkakampeon ay may premyong P2 million.
"Expect the battle for victory to rage on until the checkered flag waves,” ani Arrey Perez, Chief Organizer at CEO ng Tour.
Ang general classification winner o individual champion ay may P1-M at ang runner-up ay may P500,000, may agwat na half million. Ang mga premyo sa parehong team at general classification sa karera ay suportado ng PSC, MVP Group at title sponsor MPTC race at International Cycling Union regulations na sanction ng National Federation PhilCyling.
Ang hihiranging Eagle of the Mountain at may pinakamaraming King of the Mountain (Polka Dot) points ay may P350,000; Sprint King (Green) P300,000; at ang Best Young Rider (White, under-23) P200,000.
Ang Stage Winner (Purple) ay P10,000, Most Combative (Red) P3,000 sa 11 stages at ang Yellow jersey ay may P15,000 kada araw.
Ang Stage 1 sa Abril 29 ng MPTC Tour of Luzon ay magsisimula sa CaSoBe (Calatagan) to Tagaytay City, Stage 2 TTT mula Clark Parade Grounds to New Clark City, Stage 3 New Clark City to Palayan City, Stage 4 Palayan City, Stage 5 Santiago City, Stage 6 Tuguegarao City at Stage 7 Pagudpud para sa 2 ITT races. Pahinga sa Mayo 6, Stage 8 ay sa Pagudpud -Paoay, Stage 9 Laoag City hanggang Stage 14 sa Baguio City.
Comments