Mon Tulfo at Arnold Clavio, dawit sa 'maleta'

ni BRT @News | June 17, 2026

Photo: Mon Tulfo at Arnold Clavio - FB IG

Pinadalhan din umano ng maleta ng pera ang ilang media figures, ayon sa 18 dating bodyguards ni dating Rep. Zaldy Co.

Kabilang umano sa mga media personality sina Ramon “Mon” Tulfo at Arnold Clavio.

Giit ng isa sa mga dating bodyguard, kay Tulfo umano naiaabot ang small-size na paper bag tuwing Huwebes sa mga pagpupulong nito, na tinatayang nagkakahalaga ng dalawa hanggang tatlong milyong piso.

Samantala, sinagot naman ni Clavio ang alegasyon, "Lies. Nakakatawa. Nakakalungkot. Pero lahat ng ito ay haharapin ko nang walang takot. Talk is cheap. Bago ang dada, ebidensya muna. Hindi ako natatakot. Wala akong itinatago. Magkita na lang kami sa korte, at doon ulitin niya lahat ng kanyang walang ka-kwenta-kwentang bintang."