MOA Arena, punumpuno sa One Last Time concert ni Gary V.

ni Angela Fernando - Trainee @News | April 28, 2024

Punumpuno ang ginanap na concert ni Mr. Pure Energy Gary Valenciano na 'One Last Time' sa Mall of Asia (MOA) nu'ng Abril 27, 2024, Sabado, na tinutukan nang may excitement at nostalgia.

Umabot ng halos tatlong oras ang concert kung saan naging guests sina Divine Diva Zsa Zsa Padilla, Concert King Martin Nievera, BGYO, Gloc9, Ebe Dancel, Darren Espanto, Jona, AC Bonifacio at Ice Seguerra.

Hindi nagpahuli ang mga anak ni Gary V. na sina Gab at Kiana Valenciano kasama ang dalawa pa niyang pamangkin na game na game na nag-perform.

Sumuporta at nanood naman sina Aga at Charlene Muhlach, Jed Madela, Toni Gonzaga, Dra. Vicki Belo at Hayden Kho, Liza Dino, Mark Bautista at marami pang iba.

Bagama’t ito na ang sinasabing huling concert ni Gary V., marami pa rin ang nagre-request na magkaroon ito ng repeat.