Mga turista, posibleng papasukin na sa bansa – DoT
- BULGAR
- Jun 27, 2020
- 1 min read
ni Lolet Abania | June 27, 2020
Inihayag ng Department of Tourism (DoT) na posible nang payagan ang pagpasok ng mga turista sa ating bansa sa mga lugar na wala o mababa ang kaso ng coronavirus o covid-19.
Ayon kay Tourism Secretary Bernadette Romulo-Puyat, ito ang nakikita nilang solusyon sa krisis na nararanasan ng ahensiya na tinawag nilang travel bubbles o travel corridors.
Gayundin, makikipag-ugnayan ang DOT sa mga bansa na mayroong mababa o “zero” case ng coronavirus upang hikayatin na maaari na nilang puntahan ang Boracay, Bohol at ilan pang tourist destinations.
Kasunod ito ng pagpayag ng gobyerno sa tourism activities na may 50 porsiyento ng kapasidad lamang sa ilalim ng mga lugar na modified general community quarantine.
Comments