Mga senior na ‘ipinaglihi’ sa korupsiyon, out na sa gobyerno

ni Ka Ambo - @Bistado | March 30, 2022

GUMUGUHO na rin ang ekonomiya ng China kasabay ng kabuhayan sa Russia.

Posibleng giyera mundial ang kauuwian.

◘◘◘

World economic war ang nararanasan ng daigdig.

Apektado r’yan ang mga Pinoy.

◘◘◘

PINEPESTE ng Omicron virus ang China.

Maraming establisimyento rito ang paralisado.

◘◘◘

ILANG buwan na lamang si Digong sa Malacañang.

Lumilitaw na ang tunay niyang kaliskis.

Hindi siya maka-China, bagkus ay maka-US.

◘◘◘

INUNGGOY lang ni Digong si Xi Jin Ping.

Kopyahin kaya ‘yan ng susunod na pangulo ng Republika?

◘◘◘

TATAAS uli ang presyo ng petrolyo.

Sige lang, humihinga pa si ‘Juan’.

◘◘◘

MAAYOS pa ring nagpapadala ng dollar remittances ang mga Pinoy.

‘Yan ang gulugod ng ating ekonomiya.

◘◘◘

HINDI lang mineral deposits ang likas na yaman ng Pilipinas.

Ang ating likas na yaman ay “human resources”.

◘◘◘

BAGUMBAGO na ang kasalukuyang henerasyon.

Nabura na ang henerasyon sa nakaraang limang taon.

Ang problema, kakaunti ang nakakaunawa ng “new world order”.

◘◘◘

DAHIL sa giyera ng Russia at Ukraine, lalong mababago ang takbo ng pulitika, ekonomiya at sosyedad sa buong daigdig.

Maging ang US at Europe ay hindi nauunawaan ang mga nagaganap.

◘◘◘

ANG pananaw ng mga kabataan ay nagbago na.

Iba na rin ang moralidad ng mga tao.

Malayong-malayo na ang pagbabago kumpara sa panahon ng Hapon.

◘◘◘

DAPAT nang baguhin ang Konstitusyon at iangkop ito sa nagbago nang henerasyon.

Pero dapat ay kasama sa paglikha ng bagong Konstitusyon ang mga kabataang nasa edad 15 hanggang 45.

◘◘◘

IPAGBAWAL na ang mga matatanda o senior citizen sa gobyerno.

Ang kanilang henerasyon ay ‘ipinaglihi’ sa talamak na korupsiyon.