Mga nambu-bully, pahiya… HIPON GIRL, MAY SARILING BILLBOARD NA

ni Erlinda Rapadas - @Teka Nga! | January 21, 2021

Kung sina Super Tekla at Donita Nose ay napasikat ni Willie Revillame dahil sa exposure nila sa Wowowin, nabigyan din niya ng break ang jologs na si Herlene Budol a.k.a. Hipon Girl.

Nadiskubre si Hipon Girl du'n mismo sa Wowowin dahil isa siya sa audience at napansin siya ni Willie. Pumasa naman si Hipon Girl nang isabak sa Wowowin at nagustuhan nga ng mga viewers-studio audience.

Masang-masa kasi ang appeal ni Hipon Girl kaya nagklik siya sa Wowowin. Naaliw din sa kanya ang main sponsor ng Wowowin na si RS Francisco ng Frontrow kaya kinuha siyang endorser ng kanilang produkto at nakasama pa sa billboard ng Frontrow.

Kaya tameme ngayon ang mga dating nambu-bully at umaapi kay Hipon Girl. At natutuwa rin ang kanyang mga fans dahil muli siyang nakabalik sa Wowowin.