Mga dokumento sa impeachment trial ni VP Sara, nasa website na — SP Win

ni Mylene Alfonso @News | July 13, 2026

Photo: Win Gatchalian - Senate PH

Inanunsyo ni Senate President Win Gatchalian na accessible na sa publiko, sa pamamagitan ng Senate website, ang lahat ng dokumento na may kinalaman sa kasalukuyang impeachment trial laban kay Vice President Sara Duterte para masiguro ang pagiging bukas at malinaw ng proseso.

Binigyang-diin niya na ang pagbibigay ng access sa mga kaugnay na dokumento para masuri ng publiko ay mahalagang hakbang para mapanatili ang integridad ng Senado.

Ipinaliwanag ni Gatchalian na sa pamamagitan ng pagpapanatili ng isang komprehensibong digital repository ng mga proseso ng impeachment, masisiguro ng institusyon na mabeberepikamismo ng mamamayang Pilipino ang mga ebidensya, sa halip na umasa lamang sa mga nakikita nila sa social media.