Mga Cong. Na nagpipilit ng Cha-Cha, nag-aambisyong maging forever sa kapangyarihan

ni Pablo Hernandez @Prangkahan | December 19, 2023

ISINUSULONG NA CHA-CHA NG KAMARA MAY BASBAS PALA NI P-BBM -- Matapos kontrahin ni presidential sister, Sen. Imee Marcos ang isinusulong na Charter Change (Cha-cha) ng Kamara, nagpalabas ng statement si Pres. Bongbong Marcos (P-BBM) na nais daw niyang ipaloob sa babaguhing Saligang Batas na maging investment-friendly place ang Pilipinas.

Dahil d’yan lumalabas na may basbas pala ni P-BBM ang isinusulong na Cha-cha ng Kamara, period!

◘◘◘

KAYA TUTOL SI SEN. IMEE SA CHA-CHA DAHIL MAY ILANG PULITIKO ANG GUSTO MAGING FOREVER SILA SA PUWESTO -- Kaya tutol si Sen. Imee sa Cha-cha ay dahil may ilang kongresista raw ang may masamang balak na alisin na ang term limit sa mga nakapuwestong pulitiko.

May dahilan naman pala si Sen. Imee na kontrahin ang Cha-cha kasi sa totoo lang ay hindi katanggap-tanggap at bad ang gustong mangyari ng ilang kongresista na maging forever na sila sa kapangyarihan, boom!

◘◘◘

SANA APRUBAHAN NA RIN NG KONGRESO ANG MONTHLY DAGDAG-SAHOD SA MGA GURO --Aprubado na sa Kongreso ang P10K yearly supplies allowance para sa mga public school teacher.

Pambihira naman kasi, bakit supply allowance lang ang inaprub ng Kongreso?

Sana, aprubahan na rin ng Kongreso ang matagal nang hiling ng mga guro, at ito ay ang monthly dagdag-suweldo, period!

◘◘◘

LAHAT NG PUROK SA PASIG CITY MAY MGA KUBRADOR NG STL-CON JUETENG -- Halos lahat daw ng purok sa Pasig City ay may mga kubrador ng STL-con jueteng sina alyas "Kit" at "Egay."

Dati sa pinakasentro ng bawat barangay lang nangungubra ng taya sa STL-con jueteng ang mga kubrador na ito, pero ngayon pati mga purok pinasok para raketin sa sugal na ito ang mga residente.

Ganyan kalakas ang raket na STL-con jueteng sa jurisdiction ni Mayor Vico Sotto, boom!