ni Estrellia de Luna @Panaginip gabay ng buhay | July 31, 2023
Analisahin natin ang panaginip na ipinadala ni Norma ng Quezon City.
Dear Maestra,
Napanaginipan ko na nagsusuklay ako ng aking buhok nang aking mapansin ang kulay puti sa aking buhok. Samantalang ‘yung kabilang side naman ay gusut-gusot at ang hirap suklayin.
Ano ang ibig sabihin ng panaginip ko?
Naghihintay,
Norma
Sa iyo, Norma,
Ang ibig sabihin ng panaginip mo na nagsusuklay ka ng buhok, ay mayroong ibang nagugustuhan ang iyong dyowa. Ibang babae ang laman ng kanyang isip lalo na sa gabi bago siya matulog.
Ang napansin mo na kulay puti na ibang hibla ng iyong buhok, ay senyales na makakaramdam ka ng kabiguan sa pag-ibig. Hindi ka na magiging masaya sa kasalukuyan mong karelasyon.
Samantala, ang hirap kang suklayin ang iyong buhok, ay babala na malalagay ka sa gulo dahil sa sobrang kadaldalan mo. Iwasan mong makipag-tsismisan. Itikom mo ang iyong bibig kung wala ka rin lang sasabihing maganda sa iyong kapwa.
Matapat na sumasaiyo,
Maestra Estrellia de Luna