Medical scholarship at 14th-month pay, isinusulong sa Senado

ni Lolet Abania | July 16, 2020

Isinusulong ni Senate Pres. Tito Sotto ang panukalang pagkakaroon ng medical scholarship sa mga estudyante at 14th month pay sa mga empleyado.

Nais ni Sotto na gawing prayoridad ito ng Senado na magbubukas sa ikalawang regular na sesyon ng 18th Congress sa July 27, kasabay ng 5th State-of-the-Nation Address (SONA) ni Pangulong Rodrigo Duterte.

Sa isang pahayag, sinabi ni Sotto na una niyang isusulong ang panukalang Medical Scholarship Act at 14th Month Pay law, at tatlo pang bill. “I will move for speedy but comprehensive committee and plenary discussions on these five priority measures which I believe can make a huge impact on the lives of the Filipino people. The variety in the objectives of these measures would hopefully bring about needed reforms in governance, which at this time are essential to tip the scale in favor of public welfare over political, corporate or personal interests,” sabi ni Sotto.

Noong nakaraang Mayo, si Senate Committee on Higher Education chairman Sen. Joel Villanueva ay inihain ang panukalang Medical Scholarship Act, o Senate Bill No. 1520.

Ang bill, na isasalang sa plenary discussion, ay tungkol sa pagbibigay ng scholarship para sa "deserving" na estudyanteng Pinoy sa mga State Universities and Colleges (SUCs) at sa pribadong Higher Education Institutions. Bilang kapalit matapos ang libreng pag-aaral, ay mandatory return service ng isang iskolar ng kahit isang taon, sa mga ospital ng kanilang hometown o sa mga lugar na ibibigay ng Department of Health.

Idiniin din ni Sotto ang pagbibigay ng 14th month pay sa mga empleyado na nasa pribadong kumpanya. “Times are difficult, especially with the impacts of the COVID-19 nightmare likely to haunt us for a long time. We need a break. These measures would, hopefully, give our people something to look forward to,” ayon kay Sotto.