ALI, TODO-DENY NA DAHIL SA SIBUYAS KAYA NAG-RESIGN SA RADIO SHOW NILA NI IGAN
ni Beth Gelena - @Bulgary Files | January 16, 2021
Umalis na pala si Ali Sotto sa radio program nila ni Arnold Clavio sa DZBB, ang Double A sa Double B.
Pero, nilinaw niyang hindi dahil sa sibuyas kaya siya umalis kundi hindi na niya ini-renew ang kanyang kontrata sa GMA-7.
Hindi na nagbigay pa ng detalye ang former singer-cum anchorwoman sa dahilan ng kanyang pag-alis, basta wala raw itong kinalaman sa unang lumabas na dahil sa sibuyas na ipinadala sa kanya sa show na ipina-pickup niya sa staff. Ang babaw naman daw na dahilan nu'n.
Sa ngayon, mas gusto na lang daw munang mag-travel ni Ali. May mas malalim daw na dahilan kung bakit umabot siya sa ganu'ng desisyon pero ayaw niya nang mag-elaborate bilang respeto sa pinaglingkuran niyang network.
“Mas gusto ko ‘yung traveler talaga. ‘Yung dalawa o tatlong buwan ka sa isang lugar, hindi ‘yung ilang linggo lang na turista ka. Ayoko ng ganu'n,” sambit ni Ali.
Isang netizen naman ang nagkomento, "Hmmm.. 'di kaya balat-sibuyas lang si Ali?"