Mariel, todo-tanggol kay Robin… MARIAN, TAMEME SA KUMALAT NA MAY NABUNTIS SI DINGDONG

ni Erlinda Rapadas - @Teka Nga! | January 26, 2021

Kung si Mariel Rodriguez ay todo-tanggol kay Robin Padilla nang matsismis kay Mocha Uson, ganu'n din ang ini-expect ng mga fans ni Dingdong Dantes na gagawin ni Marian Rivera para sa kanyang mister.

Inili-link kasi ngayon si DD sa isang baguhang young star na si Lindsay de Vera. Kung hindi man nagko-comment si Dingdong upang idepensa ang sarili, hinihintay ng publiko na at least ay marinig man lang ang pagtatanggol ni Marian sa kanyang mister.

Ang matibay na pagsasama ng mag-asawa ay nakasalalay sa kamay ng babae o ng maybahay. Kaya dapat na malawak ang pasensiya at pang-unawa ng mga misis sa panahon na medyo naliligaw ng pugad ang kanilang mister.

Kung worth naman na ipaglaban ang ama ng ating mga anak, marapat lang na bigyan natin ng moral support at damayan sa pagsubok na pinagdaraanan.

At sa kaso ni Dingdong Dantes, hindi siya basta na lang ipapaubaya ni Marian Rivera sa ibang babae. Never!