MARCO, UMAMING NAIBIBIGAY NI HEAVEN ANG PANGANGAILANGAN NIYA

ni Vinia Vivar @Frankly Speaking | April 21, 2023

Matapos magkasama bilang mga teen housemates sa Pinoy Big Brother: Lucky 7 noong 2016, reunited sina Heaven Peralejo at Marco Gallo sa romance-drama series ng Viva One streaming platform na The Rain In España.

Sa mediacon na ginanap last Wednesday, natanong ang dalawang bida kung ano ang pakiramdam to be reunited with each other after 7 years, lalo na nga't naging parang magka-love team din sina Heaven at Marco noong nasa PBB pa sila at marami nga rin ang kinilig sa tambalan nila noon.

Ayon kay Marco, sobrang nagulat siya nang malaman niyang magiging magkapareha sila ni Heaven sa The Rain In España, but at the same time ay na-excite raw siya na muling makita ang aktres, since nawalan na nga raw sila ng communication after PBB.

Bukod dito ay inamin din ni Marco na naging crush niya si Heaven noong nasa PBB pa sila.

"If people watched PBB, like our batch, I did like her at the time and we lost track of each other. I did recognize her at the same time, but it was like a matured version of her," sey ni Marco.

Dahil mga bagets pa nga sila noon, ibang-iba na raw ngayon ang mga nakita nila sa isa't isa habang ginagawa nila ang seryeng The Rain In España.

"Working with her was probably the best work I have ever done. It didn't even feel like work, really," sabi ni Marco.

"I love the professionalism, because we're really rehearsing. We really wanted to give the best that we could. We're not just playing around on set, we really worked hard for it. I'm really happy that I got to work with her," dagdag niya.

Aminado rin ang aktor na ngayon daw niya mas nakita ang iba't ibang sides ni Heaven.

"While working, I just saw different sides of her that I never knew about and I liked it, I did. And, while working with her, I saw how supportive she was, which is to me, the most important thing.

I don't like having drama on set, I don't like that stuff, and just the fact that she gives me what I need... the only thing I can do is just make her happy on set as well. I did enjoy my time with her. I did," sambit pa nito.

Same thing din naman daw with Heaven. Sey ng aktres, masaya rin siya na si Marco ang kanyang leading man sa nasabing series.

"Kung iba po ang naging ka-partner ko, siguro, may kulang. Si Marco po kasi ay talagang inalagaan niya ako at saka 'yung show po. So, I'm really happy to work with him.

"Si Marco, kapag hindi n'yo pa kilala, sobrang serious niya as a person. 'Yun ang aura na ibinibigay niya. Pero once na makuha mo na 'yung kiliti niya, 'yung humor ni Marco, may mga times na nasa set kami, hindi makapag-take kasi tawa lang talaga kami nang tawa. 'Yung mga inside joke lang naman," paglalarawan ni Heaven.

Ang The Rain in España ay ang sikat na sikat na series adaptation ng Wattpad University series na isinulat ni Gwy Saludes.

Mapapanood na ito sa pinakabagong streaming platform na Viva One simula sa May 1, 2023.