Mandatory posting ng Registration Seal Badge, suspendido — BIR

by Jeff Tumbado @News | October 27, 2026

Photo: BIR Commissioner Charlito Martin Mendoza - BIR

Pansamantalang sinuspinde ng Bureau of Internal Revenue (BIR) ang obligadong pagpapaskil ng Registration Seal Badge sa mga website, social media business page at iba pang digital platform hanggang sa susunod na abiso.

Ayon sa Revenue Memorandum Circular No. 113-2026 na nilagdaan ni BIR Commissioner Charlito Martin Mendoza, layunin nitong matiyak ang maayos na pagpapatupad ng sistema ng beripikasyon ng mga rehistradong taxpayer.

Nilinaw ng BIR na walang parusang ipapataw sa hindi pagpapaskil ng badge habang umiiral ang suspensyon, ngunit maaari pa rin itong boluntaryong ipaskil.

Saklaw nito ang mga online seller, freelancer, vlogger, influencer at iba pang kumikita sa digital platforms.

Layunin ng badge na maprotektahan ang personal na impormasyon at matulungan ang publiko na matiyak kung rehistrado sa BIR ang isang online business.