Mahayhay-Tuburan road project, iimbestigahan

ni Mylene Alfonso @News | September 16, 2026

Photo: Lalo Matugas - FB

Tiniyak nina Surigao del Norte 1st District Rep. Francisco “Lalo” Matugas at kanyang anak na si dating Rep. Francisco “Bingo” Matugas II na igagalang nila ang Office of the Ombudsman at ang mandato nitong imbestigahan ang mga alegasyon laban sa mga pampublikong opisyal.

Ayon sa mag-ama, nakahanda silang makipagtulungan sa proseso at sagutin ang mga alegasyon kaugnay ng Mahayhay-Tuburan Road project sa Del Carmen, Surigao del Norte.

Iginiit ng mag-ama na ang preliminary investigation ang tamang proseso upang mapakinggan ang kanilang panig, masuri ang mga dokumento at ebidensya, at mabigyan sila ng pagkakataong sagutin ang mga isyung iniuugnay sa kanila.

Sinabi rin nila na hindi nila nais pangunahan ang magiging resulta ng imbestigasyon at handa silang hayaang isagawa ng Ombudsman ang tungkulin nito nang naaayon sa proseso.

“Hahayaang magsalita ang mga dokumento at ebidensya sa tamang panahon,” dagdag ng mag-ama.