Magandang pahiwatig ng kalamidad at baha

ni Estrellia de Luna - @Panaginip gabay ng buhay | October 21, 2022

Analisahin natin ang panaginip na ipinadala ni Aurora ng Mindoro Oriental.

Dear Maestra,

Madalas akong managinip ng mga kalamidad o disasters.

Ang hindi ko makakalimutan sa lahat ay ‘yung panaginip ko last Saturday na bumaha sa lugar namin, tapos lumikas kaming lahat upang hindi malunod sa baha.

Ano ang ibig sabihin ng panaginip ko?

Naghihintay,

Aurora

Sa iyo, Aurora,

Kabaligtaran ang ibig sabihin kapag madalas kang managinip ng mga kalamidad. Ito ay nangangahulugan na isa sa iyong mga kaibigan ay makakatanggap ng promotion sa kanyang pinapasukan, at ito ay magaganap sa lalong madaling panahon.

Samantala, ang panaginip na bumaha sa lugar n’yo at lumikas kayong lahat upang hindi malunod sa baha ay maganda rin ang ipinahihiwatig. Nangangahulugan ito na magiging maayos ang lahat ng transaksyon mo, pati na rin ang personal affair mo. Makakamit mo ang lahat ng iyong minimithi, gayundin, ang binabalak mong negosyo ay magtatagumpay.

Matapat na sumasaiyo,

Maestra Estrellia de Luna