Maagang nagising at makapal na fog

ni Estrellia de Luna - @Panaginip gabay ng buhay | October 25, 2022

Analisahin natin ang panaginip na ipinadala ni Loida ng Zambales.

Dear Maestra,

Nais kong magpaanalisa ng panaginip ko.

Napanaginipan ko na maaga akong nagising at halos hindi pa nagbubukang-liwayway. Paglabas ko ng bahay, ang kapal ng fog at napapalibutan nito ang buong paligid.

Ano ang ibig sabihin ng panaginip ko?

Naghihintay,

Loida

Sa iyo, Loida,

Ang panaginip mo na maaga kang gumising at paglabas mo ng bahay ay makapal ang fog at napapalibutan ang paligid ay nagpapahiwatig na hindi maganda ang love life mo sa kasalukuyan. Ibig sabihin, nagkakalabuan kayo ng karelasyon mo at maaaring mauwi ito sa hiwalayan kung hindi ka gagawa ng paraan para bumalik ang dating tamis ng pagmamahal niya sa iyo.

Gayundin, marami kang karibal sa pagmamahal niya at maaaring matukso siya at tuluyan nang lumabo ang inyong relasyon.

Matapat na sumasaiyo,

Maestra Estrellia de Luna