ni Angela Fernando @Entertainment | July 20, 2024
Maraming netizens at 'Blooms' ang natuwa sa ginawang stunt ng P-pop girl group na BINI kamakailan patungong General Santos City para sa kanilang event dahil sila ay nagtungo sa airport suot ang kanilang Jabbawockeez inspired outfits.
Ito ay nangyari kasunod ng natanggap nilang bashing matapos mamataan sa isang airport na takip na takip suot ang kanilang mga face masks, caps at matsismis na snob sa kanilang mga fans.
Matatandaang may isa pang fan nito ang ikinumpara ang grupo kay Sarah Geronimo sa isang viral post sa Facebook at sinabing lumalaki na raw ang ulo ng mga miyembro ng BINI.
Marami sa mga tagasuporta ng grupo ang mas humanga pa at natuwa sa ginawa nila, dahil naging maayos ang paraan ng grupong i-approach ang mga umuugong na bashings at tagumpay din nilang naipakita sa madla ang kakulitan nila.
コメント