LRT-1 Roosevelt station, pansamantalang isasara

ni Thea Janica Teh | August 7, 2020

Inanunsiyo ng Light Rail Manila Corporation (LRCM) na magsasara mula September 5 hanggang December 28, 2020 ang Light Rail Transit Line 1 (LRT-1) Roosevelt Station.

Ayon sa LRCM, pansamantalang magsasara ang station na ito para maisagawa ang konstruksiyon ng common terminal para sa LRT-1 at Metro Rail Transit Line 3 at 7 o mas kilala sa “Unified Grabd Central Station”.

Sinabi naman ni LRMC Chief Operating Officer Enrico Benipayo na tuloy pa rin ang operasyon ng LRT-1 mula Baclaran hanggang Balintawak.

Planong maglagay ng LRT-1 na maglagay ng shuttle para sa mga pasahero, ngunit, hindi pa ito matutuloy dahil sa COVID-19 pandemic.

Sa pagsasailaim ng Metro Manila sa general community quarantine, pinayagang magsakay ang LRT-1 ng 158 psahero kada biyahe o 12% lamang ng kapasidad ng tren.

Sinabi naman ni Railway Undersecretary Timothy John Batan na inaasahan ng department na matapos ito sa unang quarter ng 2021. Magkakaroon umano ito ng 3 area- Area A (facing EDSA, LRT-1), Area B (linking Areas A and C),l at Area C (MRT7 platform).

Simula itong itinayo noong 2017 at na-delay ng halos 10taon dahil hindi makakuha ng lokasyon sa nasabing terminal. Inaasahan na 500,000 pasahero ang kayang i-accomodate nito araw-araw at mas pinadaling paglipat ng railway line.