Loyalists at DDS vloggers, sapol sa kampanya ng Marcos admin vs. fake news

ni Pablo Hernandez III @Prangkahan | March 15, 2023

SA KAMPANYA NG MARCOS ADMINISTRATION VS. FAKE NEWS, MGA LOYALISTS AT DDS VLOGGERS ANG TATAMAAN—Inanunsyo ni Presidential Communications Office (PCO) Usec. Cherbett Maralit na maglulunsad ang Marcos administration ng nationwide ‘digital media literacy’ para raw labanan ang fake news sa social media.

Naku, baka ang tamaan d’yan ay ang mga loyalists at Duterte Diehard Supporters (DDS) vloggers dahil sa totoo lang, ang promotor ng pagpapakalat ng fake news sa social media ay ‘yung mga tagasuporta nina Pres. Bongbong Marcos at ex-Pres. Digong Duterte. Boom!

◘◘◘

MGA PULIS NA NAGPOPROTEKTA SA MAMAMAYAN, GUSTONG BAWASAN AT GAWING BODYGUARDS NG MGA PULITIKO—Dahil sa sunud-sunod na pamamaslang sa mga pulitiko, tinalakay sa Kongreso na ang tig-dalawang police escorts na nakatalaga sa mga politicians na may banta sa buhay ay dagdagan pa raw ng apat na pulis.

Hindi katanggap-tanggap sa publiko ang hirit na apat na karagdagang police bodyguards ng mga pulitiko dahil kulang na nga ang police force sa Pilipinas — na ang bilang ay higit 220,000 na nagpoprotekta sa higit 115 milyong populasyon sa bansa — tapos ang nais ng mga politicians ay bawasan ang puwersa na nagbibigay-proteksyon sa mamamayan para silang mga pulitiko ang protektahan. Mga pwe!

◘◘◘

GOV. SALCEDA, GEN. RANESES AT COL. CUNANAN, ‘NGANGA’ SA RAKET NA STL-CON JUETENG SA ALBAY—Halos lahat daw ng barangay sa Albay ay may mga kubrador si alyas ‘Glenn’ sa raket niyang Small-Town Lottery (STL)-con jueteng.

Ang kataka-taka, sa kabila na labag sa Presidential Decree 1602 ang jueteng, ‘nganga’ lang sina Albay Gov. Grex Lagman, PNP-Region 5 Director, Brig. Gen. Ramon Raneses at Albay Police Director, Col. Fernando Cunanan sa raket ni ‘Glenn’. Tsk!

◘◘◘

BOOKIES SYNDICATE NINA ‘BOY ABANG’ AT ‘LORNA’, UNTOUCHABLE SA MAYNILA—Napaka-untouchable ng raket na bookies nina ‘Boy Abang’ at ‘Lorna’ sa Maynila.

May katagalan na rin kasi sa kanilang mga posisyon sina Manila Police Director (MPD) Director, Brig. Gen. Andre Dizon, MPD-Station 1 chief Col. Rosalino Ibay, MPD-Station 3 chief Col. Ramon Solas, MPD-Station 7 chief Col. Jonathan Villamor, at MPD-Station 11 chief Col. Rexson Layug, pero hanggang ngayon ay hindi pa nila nabubuwag ang bookies syndicate nina ‘Boy Abang’ at ‘Lorna’ sa Maynila, period!