Lola dedbol sa trak

@Balitang Probinsiya | February 14, 2021

Negros Oriental—Isang 64-anyos na lola ang namatay nang mabangga ng trak kamakalawa sa Bais.

Kinilala ang biktima na si Milagros Juevas, nakatira sa nabanggit na bayan.

Pinaghahanap na ngayon ng pulisya ang tumakas na driver ng trak.

Ayon sa mga saksi, mabilis umano ang takbo ng trak na minamaneho ng hindi pa kilalang driver at biglang nawalan ng kontrol kaya bumangga sa kulungan ng mga baboy na kinaroroonan ng biktima.

Kaagad dinala ng mga saksi si Juevas sa ospital, pero idineklara itong dead-on-arrival.