top of page
Search

Lodi raw niya kaya tumagal ng 42 yrs. bilang singer... MARTIN, TUWANG-TUWA NA NAYAKAP SI BARRY MANILOW

BULGAR

ni Lucille Galon @Let's See | Oct. 22, 2024



Photo: Martin Nievera at Barry Manilow - IG


Ibinahagi ni Concert King Martin Nievera sa kanyang Instagram (IG) account ang isang makabuluhang sandali kasama ang legendary American singer-songwriter na si Barry Manilow. Dumalo si Nievera sa concert ni Manilow sa Westgate Las Vegas Resort & Casino, kung saan inimbitahan siya para makilala sa backstage ang idol niya. 


Ayon kay Martin, ito ay isang personal at emosyonal na karanasan para sa kanya at ipinahayag kung gaano kalaki ang impluwensiya ni Manilow sa kanyang 42-taong karera.

“I had the chance to hold and hug him and share a moment I will never forget,” ani Nievera. 

“At this moment, I had the chance to tell him that he has always been my inspiration, and because of him I have been blessed with a singing career that has lasted 42 years,” dagdag niya.


Ibinahagi rin niya ang personal na koneksiyon sa musika ni Manilow.

“I followed your music and career that led me to my dreams, and I went to my hometown, my ‘Brooklyn,’ the Philippines, where they accepted me as one of their own homegrown singers. The very first song the Philippines ever heard and saw me sing was your Somewhere Down the Road.”


Naalala rin ni Martin ang interbyu niya kay Manilow noong 1990's sa isa sa kanyang mga concerts sa Pilipinas. 


“I interviewed you for my talk show when you were in concert in the Philippines. Now in 2024, I finally get the chance to meet you and thank you for inspiring me all these years,” dagdag ni Nievera.


Pagkatapos mapanood si Manilow, sinabi ni Martin na mas naging inspirasyon ito na ipagpatuloy pa niya ang kanyang karera. 


“After watching you the other night still with so much passion and love for your music, your musicians, and your songs, I am even more inspired to go another 42 years! Thank you so much! I remain your number one fan! I thank God for you!” pagtatapos niya.


Sa kanyang IG Stories, ibinahagi rin ni Martin ang mga videos mula sa concert, kung saan kasama niya ang partner na si Anj del Rosario. Ipinost ni Nievera ang mga video mula sa Stories ni Anj, at sinabing, “Sharing this moment with you made it all even more magical.”


Maraming kaibigan at kasamahan sa industriya ng musika ang nagpahayag ng kanilang paghanga sa post ni Martin. 


Sey ni Ogie Alcasid, “Wow, he is my hero OMG.”


May isa namang nagbiro, “Nice one, 'Tay! Dapat may duet,” na sinagot ni Nievera ng, “Wow, that would be amazing!” 


Isa pang nakakaantig na komento ay, “Beautiful tribute to a legend, an icon, from another

icon - The Philippine Concert King! You both continue to inspire millions of fans.”

Mabilis na nakakuha ng atensiyon ang post ni Martin Nievera at tuwang-tuwa ang mga tagahanga na masaksihan ang pagkikita ng dalawang music icons.


 

SINORPRESA ng OPM singer na si Ely Buendia ang mga customers ng IKEA Swedish Restaurant sa Pasay City nang magtanghal siya nang live bilang bahagi ng paglulunsad ng lullaby renditions ng mga kanta ng Eraserheads.


Suot ang pajama, unang beses na tumugtog si Buendia sa ganitong theme. 

“There’s a first time for everything. Eto ‘yung first time kong tumugtog na may kama d’yan, naka-pajama. Ganito pala ang pakiramdam ng Ben&Ben, 'no?” biro niya bago kinanta ang Bulaklak sa Buwan.


Ang IKEA Pasay ay nagdaos ng Pajama Weekend bilang bahagi ng kanilang kampanya para sa mas magandang tulog. 


Kasalukuyang pinatutugtog ang mga lullaby versions ng mga sikat na kanta ng Eraserheads sa IKEA Pasay City.



0 comments

Comments


Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
bottom of page